69 - ఖండకావ్యము - 11 (ఋతు సందేశం)

కంది శంకరయ్య గారి శంకరాభరణం లో నాకు నచ్చిన పద్యాలు :

రచన : మిస్సన్న (దువ్వూరి వేంకట నరసింహ సుబ్బారావు)

కాల దివ్య చక్ర గంభీర గమనాన
చీకటైన వెనుక చిందు వెలుగు
కష్ట సుఖము లిట్లె గమియించు బ్రదుకున
ఎరుక సేయు "ఋతువు" లిట్టి నిజము.

68 - ఖండకావ్యము – 6 (సరస్వతీ!)

కంది శంకరయ్య గారి శంకరాభరణం లో నాకు నచ్చిన పద్యాలు :

రచన : లక్ష్మీదేవి

మ.     కరమున్ బట్టుదు పుస్తకంబు, మనమున్ కైంకర్యమున్ జేతు, నీ

దరికిన్ బిల్వుము శారదా! చదువులన్ దానంబుగా నిచ్చెదో,

వరముల్ వేయు నవేల చాలు నదియే, వాణీ! సదాచారిణీ!

స్థిరమౌ దృష్టిని నన్ను గాచుకొనుమా శ్రీమంగళాకారిణీ!

67 - పద్యరచన - 1198 (అన్నయ్య)

కవిమిత్రులారా పైచిత్రాన్ని పరిశీలించి తగిన పద్యాన్ని వ్రాయండి.

వీరిచే పోస్ట్ చెయ్యబడింది కంది శంకరయ్య వద్ద 4/18/2016 12:01:00 [AM] 

కంది శంకరయ్య గారి శంకరాభరణం లో నాకు నచ్చిన పద్యాలు :

డా.బల్లూరి ఉమాదేవి.ఏప్రిల్ 18, 2016 5:28 [PM]

1.చిక్కు దీసి నీకు చక్కగ జడవేతు
అమ్మ వచ్చు దాక నన్ని నేనె
జోలపాట పాడి జోకొట్టుచును నిన్ను
కంటి రెప్ప వోలె కాతునమ్మ

66 - సమస్య – 1969 (చంపకమాలకు గణములు...)

కవిమిత్రులారా,

ఈరోజు పూరించవలసిన సమస్య ఇది...

చంపకమాలకు గణములు సభరనమయవల్.

కంది శంకరయ్య గారి శంకరాభరణం లో నాకు నచ్చిన పద్యాలు :

 

Chandramouli Suryanarayanaమార్చి 11, 2016 12:15 [AM]

పంపితి తెలుగు పరీక్షకు
నింపుగ చందస్సు నేర్పి యిందులకా నీ
దుంపతెగ వ్రాసినావట
చంపకమాలకు గణములు సభరనమయవల్      

65 - పద్యరచన - 1152 (ఆటో డ్రైవర్)

కవిమిత్రులారా, పై చిత్రాన్ని పరిశీలించి తగిన పద్యాన్ని వ్రాయండి.

కంది శంకరయ్య గారి శంకరాభరణం లో నాకు నచ్చిన పద్యాలు :

రాజేశ్వరి నేదునూరిజనవరి 19, 2016 8:57 [PM]

వంటలు జేయుట కంటెను
కంటను నీరొలికె నేని కష్టము లందున్
చంటిది పాలకు నేడ్చిన
నంటిన బాధ్యతల కొఱకు నాటొ నడుపన్

మిస్సన్నజనవరి 19, 2016 8:37 [AM]

కలమున్ బట్టిరి కావ్యముల్ వెలయగా, గర్జించి రెన్నన్ తుపా
కులు చేదాలిచి గుండెలాగి యరులే కూలంగ యుద్ధాల నే
డిలు సాకంగ కొమారుడై యువతి తానే త్రోలెడిన్ బండి నౌ
నెలతల్ నేర్వగ లేని విద్య గలదే నిండార నేర్పించినన్.

K Eswarappaజనవరి 19, 2016 4:51 [PM]

మహిళలు వాహనంబులు ,విమానములే నడుపంగ జూడగా
బహుమతులివ్వకున్న తగుభాద్యత లెంచియుజీవనంబు కై
సహనములందు జేయుచు విశారదు లైరిల నేర్పు కూర్పునన్
అహమును వెళ్ళగొట్టి నబలన్నపదాలనుమార్చివేసిరే|

Guru Moorthyజనవరి 19, 2016 6:32 [PM]

* గు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,,,,,,,,,,,,

చదువున్,చక్కదన౦బు,సభ్యతయు,స౦స్కారమ్ము లున్నట్టి యో
సుదతీ ! వాహన చోదన౦బు తగునే సు౦తేనియున్ ? రక్షణ౦
బది లేదయ్యె సమాజ మ౦దు|వలదమ్మా నీకు దస్సాహస౦|
బొదుగన్ మ౦చిది యాడపిల్ల|సుకుమారోద్యోగము౦. జేయుమా |

( వాహనచోదన౦బు = డ్రై వి ౦ గ్ ; )

విరించి VIRINCHIజనవరి 19, 2016 8:08 [PM]

ఆడది యాడదంచు నసహాయుల నందురు మూర్ఖు లెల్లరుల్
జూడగ నారులే భువిన శూరులు ధీరులు కార్యదక్షులై
బాడుగ వాహనమ్ము నడుపంగల వారల మంచు చాటగన్
నేడిల నేలు ధైర్యమున నిల్చిరి సాహసు లైరి వారిజల్

64 - సమస్య – 1911 వనిత కామింప నొల్లనివాఁడు గలఁడె?)

కవిమిత్రులారా,

ఈరోజు పూరించవలసిన సమస్య ఇది...

వనిత కామింప నొల్లనివాఁడు గలఁడె?

కంది శంకరయ్య గారి శంకరాభరణం లో నాకు నచ్చిన పద్యాలు :

Anjaneya Sharma విరించిజనవరి 11, 2016 3:03 [PM]

మదిని దోచిన యందాల మగువ యైన
కలువ కన్నుల జవరాలు కన్నుమీటి
ప్రేమ మీరగ రమ్మంచు పిలవ, తనను
వనిత కామింప నొల్లని వాడు గలడె?

మంద పీతాంబర్జనవరి 11, 2016 3:52 [PM]

వనిత కామింప నొల్లని వాడు గలడె ?
గలడు గలడు శ్రీరాముడు! కాననమున
శూర్పనఖకోర వలదన్న శూరు డతడె
ధర్మ పథమును వదలని దైవ మతడె !!!

63 -- సమస్య - 1883 (కొట్టెడు పతి సుజనుఁ డనుచు...)

కవిమిత్రులారా, 

ఈరోజు పూరించవలసిన సమస్య ఇది... 

కొట్టెడు పతి సుజనుఁ డనుచుఁ గోమలి పలికెన్.

(అన్నపరెడ్డి సత్యనారాయణ రెడ్డి గారికి ధన్యవాదాలతో...)

వీరిచే పోస్ట్ చెయ్యబడింది కంది శంకరయ్య వద్ద 12/13/2015 12:01:00 [AM] 

కంది శంకరయ్య గారి శంకరాభరణం లో నాకు నచ్చిన పద్యాలు :

Anjaneya Sharma విరించిడిసెంబర్ 13, 2015 11:54 [AM]

గురువు గారికి, కవిమిత్రులకెల్లరులకు నమస్కారములు.

కట్టడి సేయక భార్యకు
పెట్టెల నిండార నగలు పీతాంబరముల్
పెట్టుచు సతి మాటకు జై
కొట్టెడు పతి సుజనుడనుచు గోమలి పలికెన్ .

ఊకదంపుడుడిసెంబర్ 13, 2015 2:48 [AM]

పట్టిన కుందేలున కే
పట్టున లెక్కిడిన మూడె పాదము లనగన్
రెట్టించక వెంటనె "ఊ
కొట్టెడు" పతి సుజనుఁ డనుచుఁ గోమలి పలికెన్

కంది శంకరయ్యడిసెంబర్ 13, 2015 9:38 [PM]

నా పూరణ....

పుట్టెడు పనిలో మునిగియు
పట్టినిఁ దా బుజ్జగించి పడుకొనఁబెట్టన్
గట్టిగఁ బాడుచు మరి జో
కొట్టెడు పతి సుజనుఁ డనుచుఁ గోమలి పలికెన్.