కవిమిత్రులారా,
నేడు నా పుట్టినరోజు.
అరవై నాలుగేళ్ళు నిండి అరవై ఐదులో పడ్డాను.
ఇన్నేళ్ళ జీవితంలో సాధించిం దేమిటని వెనక్కు తిరిగి చూసుకుంటే
“శూన్యం!”
అందరూ ఉండికూడా ప్రేమాభిమానాలకు నోచుకోక ‘వృద్ధాశ్రమం’ దిక్కయింది.
మాకు సమస్యలనిచ్చి ఆనందింపజేయు మీకు సమస్యలనీయకుండా భగవంతుడు ఆనందీంపజేయాలని కోరుకొనుచున్నాను.
కోరుచు నీ సమస్యలను గొప్పగ నిచ్చుచు మీరు మాకు నే
మారక రోజు రోజు మరి చక్కటి మార్గము చూపుచుంటిరే !
కోరక నే సమస్యలను కుప్పలగిఛ్ఛుచు నున్న దేవుడే
మారుచు బాధ దీర్చు నొకమార్గము మీకిక జూపకుండునా !
కలత వహించ వద్దు తమకండగ శిష్యుల ముండినాము మీ
తలపుల నేనిరాశ దరి దాపుల చేరగ నీయ వద్దు మీ
గలగల నవ్వులన్ మదిని గాయము లన్నియు మాని మీకికన్
కలుగు శుభమ్ము మిమ్ములను గావును జానకి రాము లెన్నడున్
చింత లన్నియు దీర్చునా సిరుల తల్లి
సకల సౌఖ్యము లిచ్చును శారదాంబ
ఖ్యాతి నందించు కవికుల జ్యోతి మీరు
జన్మదినశుభా కాంక్షలు శంకరార్య!
No comments:
Post a Comment